公屋申請｜首派寶林邨交通方便5分鐘抵港鐵站　港女1個原因想博二派網民勸接受

【公屋申請/輪候公屋/上樓/將軍澳/寶林邨/房屋署】常謂「得公屋得天下」，有公屋在手等同人生勝利組。近日有港女首派寶林邨寶儉樓一個240呎單位，目前正進行翻新工程，附近交通方便、配套完善，不過樓主仍苦惱是否接受。貼文一出，不少網民都紛紛建議，「見好就收」、「好嘢嚟喎！仲要諗？」

最新影片：

公屋首派寶林邨寶儉樓

該名港女於「公屋討論區 - 香港facebook群組」發文，指二人申請公屋，首派寶林邨寶儉樓一個240呎單位，目前正進行翻新工程，她亦曾親身視察環境，並貼出多張照片，可見單位光猛寬敞，廁所、廚房空間大，表示「入去間屋都好舒服，光線充足」、「唯獨廳有啲細」。

樓主提到寶林邨的地段佳、配套完善、交通方便，附近有港鐵站、巴士站、商場、公園，「除咗36年樓齡外，嗰度真係冇咩好挑剔」。

不過，樓主表示仍在考慮是否接受單位，「係好好，但都要考慮好多嘢」，於是發文詢問網民，「有冇谷友住嗰度？面積幾多呎？」

點擊下圖看單位內部環境：

▼點擊圖片放大

+10

+9

網民：好盤直接收貨

貼文一出引起不少網民回應，不少人都留言大讚是筍盤，且地理位置優越，「寶林好方便，穿商埸落地鐵站」、「有街市商場，行過啲就係新都城，係勁潮濕一定要有抽濕機」、「房署會翻新就要，呢個間隔都好實用，廁所廚房夠大，1-2個人住夠曬大了」。

至於樓主關心的樓齡，事實上寶林邨於1988年落成入伙，樓齡達36年，不過寶儉樓則在2001年加建，有網民表示，「寶儉樓係寶林邨最新嘅一座，後期先加建，所以設計同其他座不同，基本上除咗潮濕同野鴿比較多之外，整體來講都好好」。

不少網民都建議樓主接受單位，「好盤直接收貨，不用賭二三派」、「見好就收」、「唔係啩？好嘢嚟喎！仲要諗？」、「如果第三次放棄就冇」。

詢問過網民意見後，樓主再次到單位視察環境，最終決定接受，「啱啱再上去睇過，決定要」。

中小學測考季即將來臨，TOPick精選名校的中、英、數、常練習題：立即免費下載

HKET App已全面升級，TOPick推出親子、健康、娛樂、港聞及休閒生活資訊及影片，立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5

責任編輯：王明芳